20.01.2026
Замонавий иқтисодиётда аудитнинг роли
Замонавий иқтисодиётда аудитнинг ролиЗамонавий иқтисодиётда аудит, компания ва ташкилотларнинг молиявий фаолиятини баҳолаш учун зарур. Аудит молиявий ҳисоботларнинг шунчаки текшируви билан чекланмайди. Унинг иқтисодиётдаги роли бундан кўра кенгроқ.
Аудит мажбурий ва ташаббусли бўлади. Йирик компаниялар мажбурий аудитдан ўтишлари шарт. Кичик компаниялар эса аудитдан ўз ташаббусига кўра ўтишлари мумкин.
Эътибор беринг!
Яхши корпоратив амалиёт ва бизнес юритишдаги яхши хулқ-атвор сифатида, ҳатто мажбурий aудитдан ўтказилмайдиган компаниялар ҳам аудитдан ўтиши муҳимдир.
Айнан шу замонавий иқтисодиётда аудитнинг роли ҳақида гапиради. Кичик компаниялар ўзларининг молиявий ҳисоботи ва фаолияти натижаларининг ишончлилигини ошириш учун аудит ўтказишади. Фаолият натижалари молиявий ҳисобот тўғрисида мустақил аудитoр билдирадиган фикрда акс этади.
Агар компания жамоат аҳамиятига эга бўлмаса ва инвесторларни жалб қилмаса, аудит, масалан, унинг контрагентлари томонидан унга бўлган ишончни оширади.